Como recordo... ir a xogar a chave a do Marquieres.

No barrio da Fontiña había un Bar que lle chamaban o do "Marquieres". O Bar era o típico da epoca. Cun mostrador alto, cunha lousa de marmol, chea de marcas da tinta do viño. Detras acumulabanse unha fila de barriles de distintos tamaños. Practicamente so servían viño e algún refresco.O Bar estaba no baixo dunha casa que estaba nunha finca chea de viñas. Nun lateral da casa estaba o campo da chave.
Como sabedes o xogo consistía en lanzar os "pellos" (pezas planas e redondas de ferro) a unha distancia considerable para tentar darlle a "chave" (estructura de ferro en forma de cruz e con tres aspas xiratorias). Recordo que había xente experta no xogo, que practicamente non fallaba "pello". Nós, nos descansos, tentabamos lanzar algún "pello" sen moita sorte, pois para a nosa idade eran moi pesados. Facíamos tal forza que saían despedidos hacia o ceo, con perigo para nos na súa caida.
No verán, cando se cababan as viñas do arredor, era fácil que perderamos algún "pello" na terra blanda, pois enterrabanse desaparecendo de inmediato.